Tempo
4:01:00 | Author: forza4

O tempo escapa...e moito, e por iso o ser humano quere e, mesmo precisa controlalo.


De aí a teima humana da exactitude nas medicións, e, máis concretamente, nas do tempo. De aí saiu o reloxo de sol, que se guiaba dese inmenso fachón estelar que o home vía poñerse e erguerse cada día. Claro está, que en canto comezou a viaxar, e mesmo viu que en certos lugares non se poñía (ou se erguía) o sol en meses, a cousa comezou a cambiar. Os que por alí estaban, terían cavilado outros xeitos de conta-lo tempo..., o certo, é que no outro lado da corda, temos a aqueles que fixeron reloxos de area, vendo que o tempo que aquel fluxo de minúsculas pedriñas tardaba en baixar dun extremo ao outro daquel artiluxio cunha especie de dous embudos de vidro enfrentados boca a boca, cos orificios de entrada xeralmente tapados, era moi semellante (sempre que o artiluxio non perdera area,claro).


Pero iso non era todo, precisaba acordarse cada vez de máis cousas, e, unha vez inventada a escritura, puido permitirse o luxo de ir apuntando o que precisaba facer. Pero claro, cen mil papeis espallados... así que finalmente inventou a axenda.


Con todo, agora que a comunicación é fundamental, xurden coma fungos (coma setas, si) os métodos de sincronización online e demáis, que nos permiten, alén de ter a nosa axenda, poder dar a información que queremos e a quen queremos.


De aí, que, para aqueles que me coñecedes, aquí tedes o meu calendario de horas ocupadas e libres. Cada sitio non vos porá que é, pero alomenos sabedes que as horas que están sinaladas, están ocupadas, e as outras, en principio, libres.






Agardo que a vaia actualizando ben, e así non vos teñades ningún contratempo ao tentar comunicarvos comigo.


Unha aperta,


Forza4.

This entry was posted on 4:01:00 and is filed under . You can follow any responses to this entry through the RSS 2.0 feed. You can leave a response, or trackback from your own site.