Músicas
12:47:00 | Author: Camerata eolica
A música suponse que unha expresión artística. Como expresión artística, hai música intemporal, mesmo algunha con letra que se mantén con sentido aínda séculos despois. Con todo, hai un tipo de música que, ano a ano, enche listas de éxitos e, cos seus ritmos pegadizos (por veces, pegañentos) atopamos, ata mesmo na sopa.
Como posiblemente xa descubristes trátase das cancións do Verán.

Ata o de agora, todas elas indefectiblemente tiñan unha cousa en común en Galicia: os éxitos do verán adoitaban vir en lingua castelá. Este feito, sen ser malo en por si, tivo un efecto un tanto negativo respecto do Galego, a lingua de galicia: o seu desprazamento respecto ao castelán. Mesmo un himno mítico na Galicia dos anos 1990 foi (agás polo retrouso) case totalmente en castelán: "Miña terra galega", onde, orixinalmente, a grande parte da letra estaba na lingua de Cervantes, Machado e tantos outros.

Mais, dende o ano pasado, xa temos un concurso que se adica a busca-la canción do verán na nosa lingua: o a polo ghit.

Este concurso, organizado por Vieiros e a Radio Galega, semella ter chegado para quedarse, xa que na segunda edición xa recibiu un total de 52 participacións.

Dende o pasado día 4, están na segunda fase, á cal pasaron 10 das 52 cancións, as cales, segundo as bases do concurso, deben estar baixo unha licenza Creative Commons na que se reserven a explotación comercial, pero que, como as demáis licenzas do mesmo tipo, permitan a copia, distribución e comunicación pública sen ánimo de lucro.

Dende Eolica, promovemos un concurso paralelo, pero baseado no apologhit, coas seguintes condicións:

Entre hoxe, 6 de Agosto -dende as 14h.- ata as 14h. do 12 de Agosto, habilítase o enderezo eolica.bitacora@gmail.com para a recepción de votos para os finalistas, neste caso, con puntuación entre 1 e 10. O 13 de Agosto, coñeceráse o resultado e ese mesmo día efectuarase a votación cos resultados da votación en Eolica.
This entry was posted on 12:47:00 and is filed under , , , . You can follow any responses to this entry through the RSS 2.0 feed. You can leave a response, or trackback from your own site.