Eolica

É curioso como os opostos se dan a man, como se complementan, e, nalgún momento, chegan a semellar curiosas pérolas de casualidade.

Por exemplo, aínda que eu non teña precisamente cualidades musicais, nacín xusto un mes despois de que morrera "O Rei do Rock", Elvis.

Pois nunha desas casualidades, me ten a vida agora. Onte, ou un destes días morreu unha estudante de Empresariais de Santiago.

Chamábase María. A Tardiña da súa vida chegoulle cuns 23 anos. Os/as seus amig@s (algunha das amigas, común a min) e a súa familia estan que non o cren...
Mais eu sempre pensei, que nesta existencia nosa, realmente nada remata... e que a vida que semella irse, queda nos que ficamos aquí, a vida 'física' queda en nos.

Curiosamente... hai uns 2 meses, naceu 'Jose Manuel'. El é a ledicia de Tania e Jose, os seus pais, que ven como un novo ollar agroma á vida... A luz prende nos seus ollos como nos dos seus pais nun sorriso universal.

Por iso... aproveitemos a vida... e aqueles e aquelas que levamos no corazón, tanto na existencia aquí, como en calquera outro tipo de existencia, honrémolos cos nosos éxitos, e dediquémoslle-las ensinanzas que nos brindan os fracasos ou semi-fracasos da vida.

Dende aquí, a máis sentida noraboa a Tania e Jose, como a máis grande aperta que acompaña no sentimento, @s familiares de María, como aos/ás seus amig@s e compañeir@s.

Forza4.